سنة جديدة وحلم جديد نكمله سوه مثل كل مرة.
حملة “حلم” رجعت هذا العام حتى تمد يدها للأطفال من العوائل المتعففة وتكون سبب بفرحتهم ببداية السنة الدراسية الجديدة.
بفضل تبرعاتكم ومحبتكم گدرنا نوفر مستلزمات مدرسية كاملة لـ ١٥٢ طالب بين قرطاسية وملابس وأحذية حتى ما يحسون بالفرق بينهم وبين غيرهم ويبدون عامهم بثقة وفرح.
كل دفتر، كل قلم وكل قطعة لبس كانت رسالة دعم تقول لهم: “إحنا وياكم.. وخطوتكم الأولى بالعلم هي حلمنا أيضاً”
حملة “حلم” مو مجرد تجهيز طلاب هي رسالة أمل حتى نخلق بيئة تعليمية متكافئة ونزرع بدايات جديدة لأحلام صغيرة راح تكبر يوم بعد يوم.
شكرًا من القلب لكل شخص ساهم بصنع الابتسامة لأن بفضلكم حلم ١٥٢ طالب صار حقيقة 
