في عام ٢٠٢٥ بدأ فصل جديد من فصول حملة #على_طريقنا الحملة اللي كبرت ويا تبرعاتكم ومحبتكم وصارت جزء من قصة آلاف الطلاب اللي عبروا طريق السادس الإعدادي بفضلها.
خمس سنين متتالية والعطاء مستمر، وخلال هالسنة گدرنا – بفضل الله أولاً، ثم بفضل دعمكم – نوفر ٧,٤١٠ ملزمة دراسية بمحافظة بغداد لتوصل بيد طلاب ما توقفوا رغم الظروف وما فقدوا الأمل بحلمهم.
كل ملزمة من هاي الملازم تحمل أثر شخص تبرع بيها بعد تخرجه حتى تكون سبب بنجاح طالب جديد وهالشي خلا الحملة مو مجرد توزيع ملازم بل رسالة تعاون وتكافل بين جيل وجيل بين من خلص مرحلته ومن بعده راح يبدى طريقه.
شكر من القلب لكل الطلاب المتبرعين اللي ما نسوا شلون المساندة تصنع فرق ولكل مندوبينا الأبطال اللي اشتغلوا بهدوء وتعبوا حتى يستلمون الملازم وينظمونها وكل من قام بترتيبها وتجهيزها.
طريقنا واحد، وحلمنا واحد…
كل ملزمة نطيناها، هي خطوة جديدة على #طريقنا نحو مستقبل أجمل 🧡
